Skipulag TKD vor 2012

Æfingar hefjast næstkomandi mánudag, þann 9. janúar hjá yngri flokkunum. Það hafa átt sér stað smá breytingar á tilhögun þjálfunar. Við erum komin með þjálfara og er það Pétur Hjartarson. Pétur er með gula beltið og hefur æft með elsta  flokknum í haust og síðasta vor. Pétur mun njóta stuðnings og leiðbeiningar Írunnar við þjálfunina. Pétur er nemandi við ME og er því að bæta þjálfuninni við sig ásamt fullu námi. Æfingarnar verða á sama stað og fyrir áramót, í kjallara íþróttahússins á Egilsstöðum. Fyrirkomulag tímanna er þetta;

 

Mánudagur.

15:00 - 16:00 - Hópur 1 (eins og fyrir áramót)

16:00 - 17:00 - Hópur 2 (eins og fyrir áramót)

 

Miðvikudagur.

16 :00 - 17:00 - Hópur 2 (eins og fyrir áramót)

 

Föstudagur

15:00 - 16:00 - Hópur 1 (Nýtt fyrirkomulag)

 

Mestu breytingarnar eru á eldri hópnum sem var að æfa á mánudags- og miðvikudagskvöldum frá 20:00 - 21:30. Þeir tímar falla niður og í staðinn verða tímar á sunnudögum frá kl. 12:00 - 14:00 í húsinu í Fellabæ. Þegar Írunn kemur til okkar, einu sinni í mánuði, eigum við að geta vegið upp á móti því sem tapast. Góðu fréttirnar eru þær að Puja Alempur mun sjá um þjálfun í þessum tímum. Puja er með græna beltið og er það fengur fyrir TKD deild Hattar að hann taki þessa þjálfun að sér. Við erum með góðan hóp í yngri flokkunum og vonum að við getum fjölgað í honum, en tækifærin liggja einnig í því að fjölga í eldri hópnum. Tae kwon do er ekki bara sjálfsvarnaríþrótt, heldur líka alhliða góð þjálfun.