Fréttir

Naumt tap gegn Skallagrími

  • Skoða sem PDF skjal

Fyrsti leikur Íslandsmótsins gegn Skallagrími tapaðist naumlega 70 - 76. Hattarar komust einu stigi yfir þegar tvær mínútur voru til leiksloka en Skallagrímur var sterkari á endasprettinum. Danny Terrell og Viðar Örn voru atkvæðamestir hjá Hetti, Danny skoraði 25 stig, Viðar skoraði 22 stig og tók 9 fráköst. Fyrir utan Bandaríkjamanninn Danny Terrell er Hattarliðið nú eingöngu skipað heimamönnum. Byrjunin hjá Danny lofaði góðu og liðið sýndi góða takta í jöfnum og spennandi leik.

Næsti leikur Hattar er gegn Ármanni 17.10. í Reykjavík og svo gegn Leikni 21.10. heima.

Bandaríkjamaður til Hattar

  • Skoða sem PDF skjal

Körfuboltalið Hattar mun tefla fram Bandaríkjamanni í vetur og er hann væntanlegur til liðsins fyrir fyrsta leik gegn Skallagrími.  Maðurinn heitir Danny Terrell og er örvhentur bakvörður.  Danny fær ekki mikið tækifæri til að æfa með liðinu fyrir fyrsta leik því hann kemur til landsins á leikdag!  Miklar væntingar eru til Danny og það verður gaman að sjá hann í fyrsta leik.

Fyrsti heimaleikurinn við Skallagrím

  • Skoða sem PDF skjal

Fyrsti leikur mfl. karla í 1. deild í körfubolta á þessari leiktíð er við Skallagrím frá Borgarnesi.  Leikurinn er heimaleikur Hattar og fer fram í Íþróttahúsinu á Egilsstöðum, fimmtudaginn 7.10. kl. 18:30.

Aðgangseyrir á leikina verður sá sami og í fyrra eða frítt fyrir grunnskólanemendur, 300 kr. fyrir ME nemendur og 500 kr. fyrir aðra.

Fyllum pallana og hvetjum Hött til sigurs!

Nýjir þjálfarar 2010 - 2011

  • Skoða sem PDF skjal

Gengið hefur verið frá samningum við nýja þjálfara hjá Körfuboltadeild Hattar tímabilið 2010-2011.

Viggó Skúlason er þjálfari meistaraflokks karla, 8. - 10. flokks stúlkna og yngri flokks stúlkna. Viggó er reyndur þjálfari og hefur áður þjálfað yngri flokka hjá Hetti en reynir nú fyrir sér við þjálfun meistaraflokks í fyrsta skipti.

Viðar Örn Hafsteinsson þjálfar 10. flokk drengja og minnibolta. Viðar er íþróttakennari að mennt og margreyndur körfuboltamaður. Hann er uppalinn hjá Hetti en hefur undanfarin ár leikið í úrvalsdeild með Hamri í Hveragerði. Viðar mun jafnframt leika með meistaraflokksliði Hattar í vetur.

Björn Benediktsson þjálfar 7.-8. flokk drengja. Björn er leikmaður meistaraflokks en þjálfar nú í fyrsta skipti og mun njóta leiðsagnar hjá Viggó og Viðari.

Þjálfarastöðurnar eru vel mannaðar í vetur og góð blanda af reynslu og menntun. Við bjóðum nýju þjálfarana velkomna til starfa!

Alcoa dagurinn

  • Skoða sem PDF skjal

Körfuboltadeildin hélt Alcoa daginn 5. september sl.  en Alcoa er stærsti styrktaraðili deildarinnar. Tækifærið var notað til að skrá iðkendur í deildina, kynna æfingatöflu körfuboltadeildarinnar og kynna nýja þjálfara. Um þrjátíu krakkar mættu á Alcoa daginn með foreldrum sínum og spjölluðu við þjálfarana sem síðan stjórnuðu leikjum fyrir upprennandi körfuboltastjörnur Hattar. Allir krakkar sem skráðu sig fengu Alcoa derhúfu!

You are here